Raunfærnimat í sjúkraliðanámi er ætlað einstaklingum sem hafa reynslu af umönnun og aðhlynningu, til dæmis á hjúkrunarheimilum, sjúkrahúsum, í heimahjúkrun eða í annarri heilbrigðis- og umönnunarþjónustu.
Í raunfærnimati er metin sú þekking og reynsla sem þú hefur aflað þér í starfi. Út frá niðurstöðum matsins getur þú fengið hluta sjúkraliðanáms metinn og þar með stytt leiðina að til að ljúka náminu.
Eftir raunfærnimat getur þú lokið því sem uppá vantar í sjúkraliðanámi í framhaldsskólum sem bjóða uppá námið, annað hvort í staðnámi, fjarnámi eða blöndu af hvoru tveggja.
Eftir að hafa lokið sjúkraliðanáminu færð þú starfsréttindi sem sjúkraliði og aukna möguleika á störfum innan heilbrigðis- og umönnunarþjónustu.