Fræðslunetið hefur á undanförnum vikum útskrifað 114 námsmenn af 7 námsbrautum og úr nokkrum greinum raunfærnimats. Námið er mismunandi langt allt frá nokkrum vikum til tveggja ára eins og t.d. brúarnám. Námið má meta til eininga á framhaldsskólastigi og er því það sem kallað er formlegt nám.
Í vetur hefur Fræðslunetið að auki haldið fjölda námskeiða fyrir fyrirtæki og stofnanir og íslenskunámskeið fyrir útlendinga er stór þáttur í starfseminni. Helsti vaxtabroddurinn er þjónusta við fyrirtæki, einkum í ferðaþjónustu og greining fræðsluþarfa hjá fyrirtækjum og sveitarfélögum.
Við erum afar stolt af öllum okkar námsmönnum og óskum þeim innilega til hamingju með árangurinn. Hér fylgja nokkrar myndir af útskriftarhópunum í vor.
Fagnám fyrir starfsfólk leikskóla
Fagnám í umönnun fatlaðra
Landnemaskólinn
Kvikmyndasmiðja
Raunfærnimat fyrir leikskólaliða- og stuðningsfulltrúabraut
Menntastoðir
Félagsliðar
Leikskólaliðar og stuðningsfulltrúar
Útskriftarhópurinn úr raunfærnimati fyrir félagsliðabraut og leikskólaliða- og stuðningsfulltrúabraut á Klaustri
Fagnám í umönnun fatlaðra á Höfn
Tinna Rut Sigurðardóttir útskrifaðist sem félagsliði á Höfn
