Íslenska 3 | A2.1

Íslenska 3 er ætlað þeim sem hafa þó nokkra undirstöðu í íslensku og geta gert sig skiljanlega um fjölskylduhagi, líðan sína og starf.

Í námskeiðinu er haldið áfram að vinna með orðaforða og málnotkun sem tengist daglegu lífi og starfi. Áhersla er lögð á að auka orðaforða nemenda, þjálfa framburð og styrkja færni þeirra í að halda uppi einföldum samræðum á íslensku.

Einnig er unnið með orðaforða sem tengist leigu á húsnæði og húsnæðiskaupum. Nemendur fá jafnframt innsýn í íslenskt samfélag, siði og venjur, og þjálfast í að kynna eigið heimaland, menningu, siði og venjur.

Fjölbreyttum kennsluaðferðum er beitt og verkefni eru hönnuð þannig að þau reyni á færni nemenda við raunverulegar aðstæður. Markmiðið er að nemendur geti tekið virkari þátt í samræðum og gert sig sem best skiljanlega á íslensku.

Áfanginn samsvarar fyrri hluta A2, eða A2.1, samkvæmt viðmiðum Evrópska tungumálarammans (CEFR).

Til að meta hvaða námskeið hentar best er hægt að skoða sjálfsmatsramma Europass. Þar er hægt að velja tungumál, bera saman færni í íslensku við eigið móðurmál og fá betri mynd af því hvaða námskeið hentar best.

Einnig má skoða sjálfsmatsramma Evrópuráðsins fyrir tungumálafærni, þar sem færniþrep CEFR eru útskýrð nánar.

Sjá námskrá.