Leikskólaliða- og stuðningsfulltrúabrú

Fyrir hverja? 

• Þá sem hafa náð 22 ára aldri. 

• Þá sem hafa að baki a.m.k. þriggja ára starfsreynslu og starfa við uppeldi og umönnun barna í leikskólum eða grunnskólum 

• Þá sem hafa lokið 230 kennslustunda starfstengdum námskeiðum á vegum símenntunarmiðstöðva, stéttarfélaga, sveitarfélaga eða annarra aðila, s.s. ýmsum fagnámskeiðum, starfsnámi stuðningsfulltrúa, grunn- og framhaldsnámskeiði. 

Markmið 

 Markmið námsins er að auka þekkingu, færni og fagkunnáttu þeirra sem starfa við uppeldi barna og ungmenna. Námsmenn takast á við verkefni samkvæmt verklýsingu og fyrirmælum, efla eigið læsi á aðstæður og verkefni þar sem lausnir eru ekki sjálfgefnar en krefjast þekkingar, hugkvæmni og hæfni í samskiptum, rökvísi og leikni í lýðræðislegum vinnubrögðum. 

Fyrirkomulag 

Nám á Leikskólaliða- og stuðningsfulltrúabrú er fjórar annir, 71/66 eining. Í öllum áföngum er notast við speglaða kennslu. Nemendur hlusta á fyrirlestra heima en mæta í vinnustofur hjá Fræðslunetinu einu sinni í viku, síðdegis, alls fimm vikur. Verkefnavinna í vinnustofum fer fram í fjarkennslu í gegnum samskiptaforritið Teams. Námið hentar því vel með vinnu og þátttakendur geta stundað það óháð búsetu.