Menntastoðir hjá Fræðslunetinu

Menntastoðir eru fyrir þig sem vilt byggja upp traustan grunn í bóklegu námi og undirbúa þig fyrir næstu skref í menntun. Námið hentar sérstaklega vel fólki sem stefnir á undirbúningsdeildir háskóla, vill ljúka framhaldsskóla eða efla færni sína í almennum bóklegum greinum samkvæmt aðalnámskrá framhaldsskóla.

Í náminu færðu þjálfun og verkfæri sem styðja þig í áframhaldandi námi, meðal annars í:

• námstækni og sjálfstæðum vinnubrögðum
• samskiptum og samstarfi
• almennum bóklegum greinum eins og íslensku, ensku, dönsku og stærðfræði
• tölvu- og upplýsingatækni
• heimildavinnu og skipulagðri verkefnavinnu

Námið er skipulagt með það í huga að auðvelt sé að samræma það vinnu og daglegu lífi. Verkefnatímar eru einu sinni í viku á þriðjudögum frá kl. 16:30–20:30. Einu sinni í mánuði er svo kennsla á fimmtudegi kl. 16:30–19:30 og föstudegi kl. 15:00–19:00. Nemendur geta valið að mæta í tíma í húsnæði Fræðslunetsins á Selfossi eða á Teams.

Menntastoðir leggja áherslu á jafnvægi milli stuðnings og sjálfstæðrar vinnu. Með fjölbreyttum verkefnum, reglulegri endurgjöf og samþættingu námsgreina byggir þú upp námsvenjur, öryggi og færni sem nýtist til lengri tíma í námi.

Upplýsingar um styrki fyrir náminu

Markmið námsins er að styrkja jákvætt viðhorf til náms og auðvelda námsfólki að takast á við ný verkefni og mögulega áframhaldandi menntun, meðal annars með því að efla:

• jákvætt viðhorf til náms og aukið sjálfstraust
• hæfni til að vinna sjálfstætt og skipulega
• færni í samskiptum og samstarfi
• styrk í almennum bóklegum greinum og upplýsingatækni
• undirbúning fyrir áframhaldandi nám á framhaldsskóla- eða háskólastigi

Þú færð einnig þjálfun í að:

• beita námstækni sem styður við markvissa og árangursríka vinnu
• afla, vinna úr og miðla upplýsingum á skipulegan hátt
• nota tölvu- og upplýsingatækni sem verkfæri í námi
• takast á við bókleg verkefni með vaxandi öryggi
• tengja saman þekkingu úr ólíkum námsgreinum í lokaverkefni og öðrum verkefnum

Menntastoðir henta sérstaklega vel þér sem:

• hefur stutta formlega skólagöngu að baki og vill byggja upp bóklegan grunn
• stefnir á undirbúningsdeildir háskóla, að ljúka framhaldsskóla eða annað áframhaldandi nám
• leitar að sveigjanlegu námi sem hægt er að stunda samhliða vinnu og óháð búsetu

Námið fellur undir markhóp framhaldsfræðslu samkvæmt reglum Fræðslusjóðs. Skilmálar og úthlutunarreglur Fræðslusjóðs

Til að hefja námið þarftu að uppfylla almenn skilyrði um markhóp námsins:

• að hafa stutta formlega skólagöngu að baki
• að hafa áhuga á að efla sig í almennum bóklegum greinum og undirbúa sig fyrir frekara nám

Fyrra nám eða reynsla getur í sumum tilvikum nýst þátttakendum til að meta stöðu sína gagnvart náminu. Ef þú ert óviss um hvort Menntastoðir henti þér er gott að ræða við náms- og starfsráðgjafa áður en þú skráir þig.

Námið er 2 annir og kennd ein önn í einu. Þú þarft þó ekki að taka annirnar í fastri röð. Ef þú byrjar t.d. þegar önn 2 er í gangi getur þú tekið önn 1 næst.

1. önn

• Samskipti og samvinna
• Íslenska
• Stærðfræði
• Tölvu- og upplýsingatækni

2. önn

• Námstækni
• Enska
• Danska
• Samfélagsgrein
• Lokaverkefni

Skoða námskrá

• Námið er alls 1200 klukkustunda vinnuframlag nema og jafngildir allt að 60 framhaldsskólaeiningum.
• Námsmat byggir á mætingu og virkni í tímum.
• Til að ljúka náminu þarftu að ná 80% mætingu.
• Menntastoðir geta nýst sem undirbúningur fyrir áframhaldandi nám, meðal annars við undirbúningsdeildir háskóla eða til að ljúka framhaldsskóla.
• Þú gætir átt rétt á styrk til náms hjá stéttarfélagi eða starfsmenntasjóði.

Næstu skref: Menntastoðir eru góður grunnur fyrir áframhaldandi nám og geta opnað leið að frekari menntun á framhaldsskóla- eða háskólastigi. Ef þú vilt kanna hvaða leið hentar þér best er gott að hafa samband við náms- og starfsráðgjafa hjá Fræðslunetinu.