Raunfærnimat í matartækni 

Fyrir hverja er raunfærnimatið? 

Raunfærnimat í matartækni er ætlað einstaklingum sem hafa reynslu af matreiðslu eða vinnu við matvæli, til dæmis í mötuneytum, eldhúsum stofnana eða í matvælaframleiðslu. 

Hvað get ég fengið mikið metið? 

Í raunfærnimati er metin sú þekking og færni sem þú hefur aflað þér í starfi. Út frá niðurstöðum matsins getur þú fengið hluta náms í matartækni metinn. 

Hvar get ég klárað námið? 

Eftir raunfærnimat getur þú lokið námi í matartækni í framhaldsskólum sem bjóða upp á námið. 

Hverju breytir það fyrir mig ef ég klára námið? 

Með námi í matartækni styrkir þú faglega hæfni þína í matreiðslu og matvælaframleiðslu og eykur möguleika á störfum á því sviði.