Sólveig og Steinunn kveðja

Um síðustu áramót var komið að starfslokum hjá Sólveigu Kristinsdóttur og Steinunni Ó. Kolbeinsdóttur hjá Fræðslunetinu. Þær stöllur voru með fyrstu starfsmönnum Fræðslunetsins og höfðu því starfað þar í um tvo áratugi. Sólveig sem náms- og starfsráðgjafi og Steinunn sem verkefnastjóri. Þær áttu báðar með störfum sínum mikinn þátt í því að byggja upp og þróa starfsemi Fræðslunetsins.

Í kaffisamsæti hjá Fræðslunetinu þann 26. febrúar voru þær kvaddar formlega og þeim þakkað fyrir farsæl og góð störf í þágu fullorðinsfræðslu á Suðurlandi.