Nemendur úr námi og þjálfun ásamt Þóru sem var þeirra aðalkennari og Ásmundi framkvæmdastjóra FnS
Nemendur úr Grunnmenntaskólanum ásamt kennurum og Ásmundi
Það eru alltaf gleðileg tímamót á Fræðslunetinu þegar útskrifaðir eru hópar nemenda sem lokið hafa löngum námskeiðum. Á fimmtudag voru tveir hópar útskrifaðir úr 300 stunda löngu námi. Annars vegar útskrifuðust 15 nemendur ú Grunnmenntaskóla og hins vegar 11 nemendur úr Námi og þjálfun í almennum bóklegum greinum. Allir þessir nemendur hafa stundað nám á morgnana alla virka daga frá því í um miðjan september. Nokkrir þeirra munu halda áfram í námi hjá Fræðslunetinu eftir áramót en aðrir hverfa á vit nýrra ævintýra. Báðar þessar námsleiðir leggja áherslu á nám í bóklegum greinum, s.s. íslensku, stærðfræði, ensku og dönsku auk upplýsingatækni. Er þetta góður undirbúningur undir frekara nám, eða til að efla færni og þekkingu þátttakenda þó þeir hyggi ekki á frekara nám.
