Íslenska 5 | B1

Íslenska 5 er ætluð þeim sem hafa góða undirstöðu í íslensku og vilja ná meiri færni, nákvæmni og sjálfstæði í notkun tungumálsins.

Markmið námskeiðsins er að nemendur geti notað íslensku á sveigjanlegan, árangursríkan og nákvæman hátt í flóknari aðstæðum. Nemendur þjálfast í að skilja flóknari texta, bæði bókmenntalega og fræðilega, og greina undirliggjandi merkingu í texta.

Áhersla er lögð á að nemendur skilji flókin rök og hugmyndir í umræðum, fyrirlestrum og fjölmiðlum. Í tjáningu er unnið með að nemendur geti tjáð sig sjálfstætt, skýrt og skipulega um flókin málefni, notað fjölbreyttan orðaforða og nákvæma málfræði til að koma blæbrigðum í merkingu til skila.

Nemendur fá þjálfun í að taka virkan þátt í fræðilegum og faglegum umræðum, færa rök fyrir máli sínu og bregðast við mótrökum. Í ritun er markmiðið að nemendur geti samið skýra, vel uppbyggða og ítarlega texta um flókin efni, svo sem ritgerðir, greinar eða skýrslur, og valið viðeigandi stíl eftir samhengi.

Samskiptafærni er lykilatriði í námskeiðinu. Nemendur þjálfast í að aðlaga málnotkun sína að mismunandi aðstæðum, til dæmis faglegum fundum, óformlegum samræðum eða opinberum kynningum, og nota tungumálið á árangursríkan hátt til að ná samskiptamarkmiðum.

Áfanginn samsvarar seinni hluta B1 samkvæmt viðmiðum Evrópska tungumálarammans (CEFR).

Gert er ráð fyrir að nemendur sinni heimanámi á meðan á námskeiðinu stendur.

Til að meta hvaða námskeið hentar best er hægt að skoða sjálfsmatsramma Europass. Þar er hægt að velja tungumál, bera saman færni í íslensku við eigið móðurmál og fá betri mynd af því hvaða námskeið hentar best.

Einnig má skoða sjálfsmatsramma Evrópuráðsins fyrir tungumálafærni, þar sem færniþrep CEFR eru útskýrð nánar.

Sjá námskrá