Íslenskunámskeiðin byggja á námskrá í íslensku fyrir útlendinga sem gefin er út af Mennta- og menningarmálaráðuneytinu.

Námskeiðið er ætlað byrjendum á stigi A1.1. Nemendur læra íslenska stafrófið, framburð og grunnorðaforða. Áhersla er lögð á talþjálfun, hlustun, lestur og ritun einfaldra setninga með fjölbreyttum kennsluaðferðum. Einnig er farið yfir grunnatriði í íslenskri málfræði í tengslum við námsefnið.

Áfanginn samsvarar fyrri hluta A1.1 samkvæmt viðmiðum Evrópska tungumálarammans (CEFR).

Til að meta hvaða námskeið hentar best er hægt að skoða sjálfsmatsramma Europass. Þar er hægt að velja tungumál, bera saman færni í íslensku við eigið móðurmál og fá betri mynd af því hvaða námskeið hentar best.

Einnig má skoða sjálfsmatsramma Evrópuráðsins fyrir tungumálafærni, þar sem færniþrep CEFR eru útskýrð nánar.

Sjá námsskrá