Raunfærnimat fyrir stuðningsfulltrúa 

Fyrir hverja er raunfærnimatið? 

Raunfærnimat fyrir stuðningsfulltrúa er ætlað einstaklingum sem starfa í skólum við stuðning við nemendur, til dæmis í grunn- eða framhaldsskólum. 

Hvað get ég fengið mikið metið? 

Í raunfærnimatinu er metin sú reynsla og þekking sem þú hefur aflað þér í starfi með nemendum. Út frá niðurstöðum matsins getur þú fengið hluta náms fyrir stuðningsfulltrúa metinn. 

Hvar get ég klárað námið? 

Fræðslunetið býður upp á nám í stuðningsfulltrúa-brú, námið er fjórar annir og lýkur með útskrift sem stuðningsfulltrúi. Að náminu loknu er hægt að fara í framhaldsskóla og klára viðbótarnám til stúdentsprófs.  

Nánari upplýsingar um stuðningsfulltrúabrúna má finna með því að smella hér.

Eftir raunfærnimat getur þú einnig lokið því sem upp á vantar í námi fyrir stuðningsfulltrúa í framhaldsskólum sem bjóða upp á námið. 

Hverju breytir það fyrir mig ef ég klára námið? 

Með námi fyrir stuðningsfulltrúa styrkir þú hæfni þína í starfi með nemendum og eykur möguleika á störfum innan skólakerfisins.